سعودی عرب: ابہاء ائیرپورٹ پر حملہ

ریاض : سعودی عرب کے ابہا ائیرپورٹ کو حوثی باغیوں کی جانب سے ڈرون حملے کا نشانہ بنایا گیا ہے ، جس کے نتیجے میں ائرپورٹ پر کام کرنے والے چار ملازمین زخمی ہوگئے ، عرب اتحاد کی جانب سے حملے کی تصدیق کی گئی ہے ۔ 

عرب خبررساں ادارے الخبریہ کی رپورٹ کے مطابق ائیرپورٹ پر کیے جانےو الے ڈرون حملے دوران فضائی اڈے کی عمارت کے کچھ شیشوں کو نقصان پہنچا جبکہ کچھ ملازمین زخمی ہوئے تاہم جنگی چیاروں نے جوابی کارروائی کرتے ہوئے شمال مٖربی یمن کے علاقے صعدہ گورنریٹ میں موجود ڈرون لانچنگ سائٹ کو تباہ کردیا ۔

رپورٹ کے مطابق حملے کے بعد عارضی طور پر معطل نیوی گیشن ٹریفک ائیرپورٹ پر معمول کے مطابق بحال کردی گئی ہے ۔