ٹی ٹوئنٹی ورلڈ کپ : آئی سی سی نے میچ آفیشلز کااعلان کردیا

تفصیلات کے مطابق ٹی ٹوئنٹی ورلڈ کپ کےلیے16 امپائرز  اور4میچ ریفریزورلڈکپ میں فرائض انجام دیں گے ، پاکستان کے علیم ڈار اور احسن رضا ورلڈکپ میں امپائرنگ کریں گے۔ کرس براؤن،کمار دھرماسینا،ماریس ایرسمس،کرس گفانے بھی  بطور امپائر ذمہ داریاں نبھائیں گے۔ مائیکل گف،رچرڈ ایلنگورتھ،نتن مینون،احسن رضا،پال رائیفل، رڈ ٹکر،جول ولسن اورپال ولسن ورلڈکپ کےلیے امپائر ہونگے۔  میچ ریفریزمیں ڈیوڈ بون ، جیف کرو،رجنجن مدوگالے اور جواگل سریناتھ شامل ہیں۔ 

پاک بھارت معرکے میں کرس گفانے اورمارکس ایرسمس آن فیلڈ امپائر،رچرڈ ایلنگ ورتھ ٹی وی امپائرکے فرائض انجام دیں گے۔ 

واضح رہے کہ انٹرنیشنل کرکٹ کاؤنسل کے زیر اہتمام ٹی ٹوئنٹی ورلڈ کپ کا انعقاد متحدہ عرب امارات میں ہورہا ہے۔ 4 نومبر کو فائنل میچ کی میزبانی کرنے والے دبئی سمیت شارجہ اور ابوظبی ایونٹ کے میچز کی میزبانی کریں گے۔  ٹی ٹوئنٹی ورلڈکپ میچز میں کورونا ایس او پیز کی وجہ سے 70 فیصد شائقین کو اسٹیڈیم آنے کی اجازت ہوگی۔

بھارت میں کورونا وائرس کے بڑھتے ہوئے کیسز کے باعث 16 ٹیموں کے اس ٹورنامنٹ کو متحدہ عرب امارات منتقل کردیا گیا تھا۔