بیٹے کی گرفتاری ، کنگ خان نے اشتہار میں کام کرنے سے انکار کردیا

ممبئی : بالی ووڈ کنگ شاہ رخ خان بیٹے آریان کی منشیات کیس میں گرفتاری کو مدنظر رکھتے ہوئے اداکار اجے دیوگن کے ساتھ طے شدہ اشتہار منسوخ کردیا ہے ۔ 

بھارتی میڈیا کی رپورٹس کے مطابق شاہ رخ خان کا بالی ووڈ اداکار اجے دیوگن کے ساتھ اشہتار طے شدہ تھا تاہم آخری لمحات میں ان کی جانب سے ذاتی مسائل کو مدنظر رکھتے ہوئے اشتہار میں آنے سے انکار کردیا گیا ہے ۔ 

بھارتی میڈٰیا رپورٹس میں دعویٰ کیا گیا ہے کہ اشتہار کے سیٹ پر شاہ رخ خان کی آمد کے حوالے سے تمام تیاریاں مکمل تھیں لیکن اداکار آریان کی منشیات کیس میں گرفتاری کو سامنے رکھتے ہوئے سیٹ پر نہ آئے ۔ 

رپورٹ کے مطابق اشہتار کے سیٹ پر بیس سے پچیس باؤنسر بھی تعینات تھے۔ لیکن دوپہر تک شاہ رخ خان نہ آئے جس کی وجہ سے شوٹنگ کینسل کرنا پڑی ۔