لاہور : لین دین کے تنازعہ پر نوجوان کی ہلاکت کا معاملہ ، ملزمان گرفتار 

تفصیلات کے مطابق لاہور کے علاقے ڈیفنس اے میں  وقاص نامی نوجوان کو گولیاں مارکر قتل  کردیا  گیا ،  لاہور  پولیس  نے  15 کال پر بروقت کارروائی کرتے ہوئے  ملزمان کو موقع سے گرفتار کر لیا ۔ دونوں ملزمان پرائیویٹ گاڑی میں فرار ہونے کی کوشش کررہے تھے ۔ 

 ڈی آئی جی آپریشنز سہیل چودھری کا کہنا ہے کہ   لاہور پولیس نے ابتدائی تفتیش کے دوران ملزمان کو 10 منٹ میں ٹریس کر لیا ۔ ملزمان جبران اور نعمان نے لین دین کے تنازعہ پر اپنے دوست وقاص کا قتل کیا ، دونوں ملزمان سگے بھائی ہیں ۔  ڈی آئی جی آپریشنز  کے مطابق ملزمان نے دوران ابتدائی تفتیش اقبال جرم کر لیا ۔ پولیس اور فرانزک ٹیموں نے جائے وقوعہ سے ضروری شواہد اکٹھے کر لئے  ہیں جبکہ لاش مردہ خانے منتقل کر دی گئی ۔