تھانہ باغبانپورہ کی حدود میں پولیس مقابلہ ، 1ڈاکو ہلاک، 3 راہگیر زخمی

تفصیلات کے مطابق  تھانہ باغبانپورہ کی حدود میں پولیس مقابلہ ہوا  ہے،مقابلے میں  پولیس اہلکار سمیت 03 راہگیر زخمی ہوگئے ہیں جبکہ   ایک ڈاکو ہلاک ہوا ہے۔

ڈی آئی آپریشنز سہیل چودھری نے فرار ڈاکووں کو سی سی ٹی وی فوٹیج کی مدد سے گرفتار کرنے کا حکم دیدیا ہے،ایس پی کینٹ جائے وقوعہ پر موجود،حالات کا جائزہ لے رہے ہیں۔ 

سہیل چودھری نے کہا ہے کہ پولیس اہلکار ارشد اور اعظم،  موبائل شاپ میں ای گیجٹس اور ملازمین کے کوائف بارے پڑتال کر رہے تھے۔ اسی دوران 03 ڈاکودکان میں داخل ہوئے،پولیس کو دیکھ کر فائرنگ شروع کر دی۔ 

ڈی آئی جی آپریشنز کے مطابق  ہلاک ڈاکو سے لوٹی گئے موبائل اور نقدی برآمد ہوئی ہے۔ ڈی آئی جی آپریشنز  نے  اہلکار سمیت زخمیوں کو بہترین طبی سہولیات فراہم کرنے کی ہدایت بھی کی ہے۔