پاک بھارت ٹاکرے میں امپائرنگ کے فرائض کون انجام دیں گے

تفصیلات کے مطابق 24 اکتوبر کو ہونیوالے پاک بھارت میچ میں جنوبی افریقا کے ماری ایرامس اور نیوزی لینڈ کے کرس گفانے آن فیلڈ امپائر ہوں گے۔ رچرڈ النگ ورتھ ٹی وی امپائر جبکہ پاول ریفل فورتھ امپائر مقرر کیے گئے ہیں جبکہ ڈیوڈ بون اس میچ کے ریفری نامزد ہوئے ہیں۔

آئی سی سی کے مطابق ٹی ٹوئنٹی ورلڈ کپ میں 4 میچ ریفریز  اور 16 امپائرز میچز سپروائز کریں گے۔

ہر میچ میں نیوٹرل امپائرز کا تقرر  ہوگا۔ امپائرز میں پاکستان سے احسن رضا اور علیم ڈار کو بھی شامل کیا گیا ہے ۔

علیم ڈار چھٹی مرتبہ ٹی ٹوئنٹی ورلڈ کپ میں امپائرنگ کے فرائض انجام دیں گے۔ میچ ریفریز کے پینل میں پاکستان سے کوئی نام شامل نہیں۔