سارہ خان اور فلک شبیر کے ہاں ننھی پری کی آمد 

تفصیلات کے مطابق گلوکار  فلک شبیر نے فوٹو اینڈ ویڈیو شئیرنگ ایپ  انسٹاگرام  پر مداحوں کو  ننھی پری کی آمد  کی خوشخبری سُنائی۔  گلوکار نے اپنے انسٹاگرام اکاؤنٹ پر خوبصورت تصویر شیئر کی  ہے جس میں اُنہوں نے اپنے ہاتھوں پر اہلیہ سارہ خان اور اپنی ننھی پری کا  ہاتھ رکھا ہوا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Falak Shabir (@falakshabir1)

پوسٹ کے عنوان  میں فلک نے  اپنے مداحوں کو ربیع الاول کے چاند  اور جمعہ کی مبارک دیتے ہوئے لکھا کہ  آج اس بابرکت دن کے موقع پر اللّہ تعالیٰ نے ہمیں اپنی رحمت سے نوازا ہے، بیٹی کی آمد کا اعلان کرتے ہوئے بہت خوشی ہو رہی ہے اور میں اسے بہت پیار کرتا ہوں۔" فلک  نے اس  خوشی کے موقع پر اللّہ تعالیٰ کا شُکر ادا کرتے ہوئے  کہا  کہ اُنہوں نے اپنی بیٹی کا نام ’عالیانہ فلک‘ رکھا ہے۔پوسٹ میں انہوں نے اپنے مداحوں کی دُعاؤں اور محبت کا شکریہ ادا کیا۔

واضح رہے کہ گزشتہ برس 18 جولائی کو گلوکار فلک شبیر اور اداکارہ سارہ خان رشتہ ازدواج میں منسلک ہوئے تھے ،  جبکہ  رواں برس جون میں سارہ خان نے اپنے ہاں ننھے مہمان کی جلد آمد متوقع ہونے کی خوشخبری سُنائی تھی۔