راولپنڈی ، ڈینگی کے مریضوں کی تعداد میں تیزی سے اضافہ 

جی این این کے مطابق راولپنڈی کے ہسپتالوں  میں زیر علاج ڈینگی مریضوں کے تعداد بڑھنے لگی ، گزشتہ 24 گھنٹوں کے دوران مزید 24 شہری ڈینگی سے بیمارہوئے ۔ ڈی ایچ او راولپنڈی کے مطابق 2 مریضوں کی حالت تشویش ناک ہے جنہیں ہولی فیملی ہسپتال میں رکھا گیا ہے ۔ راولپنڈی میں  مجموعی طور پر ڈینگی کیسز کی تعداد 750 تک پہنچ گئی ، ڈینگی سے متاثرہ مریضوں کے بینظیر بھٹو ہسپتال، ہولی فیملی اور ڈسٹرکٹ ہیڈ کوارٹر ہسپتال میں رکھا جا رہا ہے۔ ڈی ایچ او راولپنڈی کے مطابق راولپنڈی کے کینٹ علاقے ڈینگی سے زیادہ متاثر ہیں ۔

دوسری جانب ملک کے مختلف شہروں میں ڈینگی کے مزید کئی کیسز سامنے آئے ہیں۔ پنجاب میں 189 مریض رپورٹ ہوئے جس میں سے 139 صرف لاہور میں ہیں۔گزشتہ چوبیس گھنٹوں میں سندھ میں 49 افراد ڈینگی وائرس کا شکار ہوئے۔ کراچی اور مٹیاری میں اس بیماری کے سب سے زیادہ کیس رپورٹ ہوئے۔خیبرپختونخوا میں مجموعی طور پر ڈینگی سے متاثرہ مریضوں کی تعداد 2100 سے تجاوز کر گئی جبکہ  4 افراد جاں بحق ہوئے۔