سعودی عرب کے شہر جازان کے کنگ عبداللہ ائیرپورٹ پر حوثی باغیوں کا میزائل حملہ ، متعددافراد زخمی

جدہ : سعودی عرب کے شہر جازان کے کنگ عبداللہ ائیرپورٹ پر حوثی باغیوں کے میزائل حملے میں دس افراد زخمی ہوگئے ۔ 

عرب میڈیا کے مطابق جمعے کے روز سعودی عرب کے شہر جازان کے کنگ عبداللہ ائیرپورٹ پر حوثیوں نے میزائل حملہ کیا جس کے نتیجے میں دس افراد زخمی ہوگئے ۔ 

ترجمان عرب اتحاد کے مطابق زخمیوں میں چھ سعودی مسافروں سمیت تین بنگلادیشی اور ایک سوڈانی ،ملازم شامل ہے ، حملے میں ائیرپورٹ کے کچھ حصوں کی کھڑکیاں بھی ٹوٹ گئیں ۔ 

ترجمان عرب اتحاد کا کہنا ہے کہ حوثیوں کی شہریوں اور املاک کو نشانہ باننے کی کوششیں جنگی جرائم ہیں ۔ شہریوں کے تحفظ کے لیے مناسب آپریشنل اقدامات کیے جارہے ہیں ۔ 

عرب میڈیا کے مطابق عرب اتحاد جمعرات کو سعودی عرب کے جنوب مغربی خمیس مشیت کی طرف آنے والے ایک بیلسٹک میزائل اور 2 ڈرون حملوں کو ناکام بنایا تھا ۔ 

اس سے قبل جمعرات کو بھی سعودی عرب کے ابہاء ائیرپورٹ پر مبینہ حوثی ڈرون حملے کو ناکام بنانے کی کوشش کے دوران چار افراد زخمی ہوئے تھے ۔