الیکشن کمیشن کا  اعظم سواتی کو ذاتی حیثیت میں طلب کرنے کا فیصلہ ، ذرائع

ذرائع کے مطابق  کہ  الیکشن کمیشن پر الزامات کے معاملے پر الیکشن کمیشن آف پاکستان نے  وفاقی وزیر اعظم سواتی کو ذاتی حیثیت میں طلب کرنے کا فیصلہ کرلیا ہے، اعظم سواتی کو 21 اکتوبر کو الیکشن کمیشن میں  ذاتی حیثیت میں طلب کرنے کا فیصلہ کیا گیا ہے۔

ذرائع کا کہنا ہے کہ وفاقی وزیر   اعظم سواتی  سے توہین عدالت آرڈینس  کے تحت الزامات کا جواب مانگا  جائے گا،  اعظم سواتی سے الیکشن ایکٹ کی متعلقہ شقوں کے تحت  جواب طلب کیا جائے گا۔

گزشتہ ماہ  الیکشن کمیشن آف پاکستان نے ادارے پر الزامات لگانے پر وفاقی وزراء فواد چوہدری اور اعظم سواتی کو نوٹس جاری کرتے ہوئے الزامات کے ثبوت طلب کیے تھے۔

واضح رہے کہ قائمہ کمیٹی برائے پارلیمانی امور کے اجلاس میں الیکشن (ترمیمی) ایکٹ 2021 میں مجوزہ ترامیم پر تبادلہ خیال کے دوران اعظم سواتی نے کہا تھا کہ الیکشن کمیشن ہمیشہ دھاندلی میں ملوث رہا ہے اور ایسے اداروں کو آگ لگا دینی چاہیے۔