شوکت ترین مشیرخزانہ  تعینات ، نوٹیفکیشن جاری 

تفصیلات کے مطابق نوٹی فکیشن کے مطابق شوکت ترین کا عہدہ وفاقی وزیر کے برابر ہوگا۔ صدر مملکت نے وزیر اعظم کی ایڈوائس پر شوکت ترین کو تعینات کیا ہے ۔ شوکت ترین کی بطور مشیر خزانہ و ریونیو تعیناتی کا اطلاق فوری طور پر ہوگا۔ 

واضح رہے کہ شوکت ترین کی بطور وزیرِ خزانہ 6 ماہ کی مدت 16 اکتوبر کو مکمل ہوگئی تھی ،انہوں نے 17 اپریل 2021ء کو بطور وزیرِ خزانہ چارج سنبھالا تھا۔شوکت ترین کے لیے بطور وزیرِ خزانہ 6 ماہ میں رکنِ پارلیمنٹ بننا لازمی تھا، آئین کے تحت شوکت ترین بغیر رکنِ پارلیمنٹ 6 ماہ عہدے پر رہ سکتے تھے۔شوکت ترین عہدہ سنبھالنے کے بعد 6 ماہ میں رکنِ پارلیمنٹ نہیں بن سکے۔

سابق وزیرِ خزانہ شوکت ترین اس وقت آئی ایم ایف کے سالانہ اجلاس میں شرکت کے لیے امریکا میں ہیں، انہوں نے اپنے ایک بیان میں آئی ایم ایف سے مذاکرات کو بہترین قرار دیا ہے۔

یہ بھی پڑھیں :حکومت نے پٹرول کی قیمت میں 10روپے49 پیسے فی لٹر اضافہ  کردیا