حکومت نے پٹرول کی قیمت میں 10روپے49 پیسے فی لٹر اضافہ  کردیا

تفصیلات کے مطابق حکومت کی جانب سے گزشتہ چار ماہ میں آٹھویں مرتبہ  پٹرولیم مصنوعات کی قیمتوں مییں اضافہ کیا  گیا ہے ۔ وزارت خزانہ نے پیٹرولیم مصنوعات کی قیمتوں میں اضافے کا اعلامیہ جاری کر دیا، اعلامیے کے مطابق پٹرول کی قیمت میں 10روپے49 پیسے فی لٹر تک کا بڑا اضافہ کیا گیا ہے  جس کے بعد پٹرول کی فی لٹر قیمت 137روپے  79 پیسے مقرر کی گئی ہے جبکہ  ہائی سپیڈ ڈیزل کی قیمت میں 12روپے44 پیسے اضافہ کردیا گیا  ہے ۔

قیمتوں میں اضافے کے بعد اب عوام کو پیٹرول 137 روپے 79 پیسے فی لیٹر جبکہ ہائی اسپیڈ ڈیزل 134 روپے 48 پیسے فی لیٹر میں دستیاب ہوگا۔

پیٹرولیم مصنوعات کی قیمتوں کے اعلامیہ کے مطابق مٹی کا تیل 10 روپے 95 پیسے مہنگا کیا گیا جس کے بعد مٹی کےتیل  کی قیمت 110روپے26 پیسے ہوگئی جبکہ لائٹ ڈیزل آئل 8 روپے 84 پیسے اضافہ کیا گیا ہے۔

خیال رہے کہ اوگرا نے پیٹرول کی قیمت میں 5روپے 90 پیسے فی لیٹر اور ڈیزل کی قیمت میں 10روپے فی لٹر اضافے کی سمری وزارت پیٹرولیم کو ارسال کی تھی۔

وزارت خزانہ کی جانب سے جاری نوٹی فکیشن میں عالمی مارکیٹ میں تیل کی قیمت 85 ڈالر فی بیرل تک پہنچنے کو پیٹرولیم مصنوعات کی قیمتوں میں اضافے کی وجہ بتایا گیا ہے۔

پٹرولیم مصنوعات کی قیمتوں میں اضافے کا امکان

یاد رہے کہ 30 ستمبر  کو وزارت خزانہ نے پٹرولیم مصنوعات کی قیمتوں میں اضافہ کیا تھا ، پٹرول کی فی لٹرقیمت میں 4 روپے کااضافہ  جبکہ ہائی اسپیڈ ڈیزل کی قیمت میں 2 روپے فی لٹرکا اضافہ کیا  گیا تھا ۔

حکومت کی جانب سے 15 ستمبر کو پٹرولیم مصنوعات کی قیمتوں میں اضافہ کیا گیا تھا پیٹرول کی قیمت میں 5 روپے فی لیٹر جبکہ ڈیزل کی قیمت میں 5 روپے ایک پیسہ فی لیٹر اضافہ کیا گیا تھا۔ مٹی کے تیل کی قیمت میں 5 روپے42 پیسے فی لیٹر اضافہ کیا گیا جبکہ لائٹ ڈیزل آئل کی قیمت میں 5روپے 92 پیسے فی لیٹر اضافہ کیا گیا تھا۔