پی ڈی ایم کا مہنگائی کیخلاف ملک گیر احتجاج آج سے شروع ہوگا 

تفصیلات کے مطابق پاکستان ڈیموکریٹک موومنٹ (پی ڈی ایم) آج ملک بھرمیں مہنگائی کے خلاف احتجاجی مظاہرےکرےگی ، نمازجمعہ کےبعد لاہور، کراچی، پشاور سمیت مختلف شہروں میں مظاہرے کیے جائیں گے۔ اسلام آباد نیشنل پریس کلب کے باہر احتجاجی مظاہرہ 3 بجے ہوگا جس میں مولانا عبدالغفورحیدری سمیت دیھر قیادت شریک ہوں گی۔ 

پی ڈی ایم کے تحت کراچی میں احتجاجی مظاہرے کی تیاریاں مکمل کر لی گئی ہیں۔ایمپریس روڈ پر پی ڈی ایم کراچی کا احتجاجی مظاہرہ ہوگا جس کی قیادت پی ڈی ایم کے سربراہ مولانا فضل الرحمان کریں گے ۔ 

مسلم لیگ ن کی قیادت میں جین مندرچوک لاہور  میں 3 بجے احتجاجی مظاہرہ ہوگا ۔ سرگودھا، شیخوپورہ، خوشاب میانوالی بھکر جھنگ سمیت پنجاب کےمختلف اضلاع میں احتجاجی مظاہرے ہونگے ۔

پشاور سوات، شانگلہ، سمیت کے پی کے مختلف اضلاع اور ڈویژنوں میں بھرپور احتجاجی مظاہرے ہونگے جبکہ کوئٹہ، قلات، مستونگ، قلعہ سیف اللہ، لورلائی، ژوب  سمیت بلوچستان کے دیگر اضلاع میں مظاہرے ہوں گے۔