محکمہ موسمیات نے آج سے بارشوں کے نئے سلسلے کی پیش گوئی کردی

لاہور : محکمہ موسمیات نے آج سے بارشوں کے نئے سلسلے کی پیش گوئی کردی ۔ اسلام آباد ، خیبر پختونخواہ ، پنجاب میں بادل برسنے کا امکان ہے ۔

محکمہ موسمیات کے مطابق آج رات لاہور ، گوجرانوالہ ، فیصل آباد، اور جنوبی پنجاب کے دیگر علاقوں میں بارش کا امکان ہے ، پشاور، چترال ، سوات میں بھی بادل برسنے کی توقع ہے ۔ 

گلگلت بلتستان میں بھی بارش کی پیشن گوئی کی گئی ہے جبکہ کوئٹہ ، ژوب ، زیارت میں بھی گرج چمک کے ساتھ بارش کی توقع ہے ۔