کورونا وائرس سے ایک لاکھ 80 ہزار ہیلتھ  ورکرزہلاک ہوئے: عالمی ادارہ صحت 

تفصیلات کے مطابق عالمی ادارہ صحت (ڈبلیو ایچ او ) کا کہنا ہے کہ  ہیلتھ ورکرز کو ویکسین کی فراہمی اولین ترجیح ہونی چاہیے۔ ڈبلیو ایچ او  نے اندازہ لگایا ہے کہ کوویڈ 19 کی وجہ سے دنیا بھر میں80ہزار  سے 180،000 ہیلتھ کیئر ورکرز جان کی بازی ہار  چکے ہیں ۔

 ادارے کا کہنا ہے کہ  وائرس دنیا بھر میں پھیلتا جارہا ہے جس سے  ہیلتھ ورکرز میں  پریشانی اور تھکاوٹ   کا احساس بڑھ رہا ہے اور  اور یہ بات انتہائی خطرناک ہے ۔عالمی ادارہ صحت نے  جنوری 2020سے مئی 2021 تک  کا ڈیٹاجاری کیا ہے جس میں ہیلتھ ورکرز کی ہلاکتوں کو افسوس ناک قرار دیا گیا ہے ۔ 

عالمی ادارہ صحت کا کہنا ہے کہ دنیا بھر میں اوسطاً  ہر 5  میں  سے 2  ہیلتھ ورکرز ویکسین کی مکمل خوراک  لے چکے ہیں،  119 ممالک سے دستیاب اعداد و شمار بتاتے ہیں کہ افریقی اور مغربی بحر الکاہل کے علاقوں میں 10 میں سے 1 سے بھی کم افراد کو مکمل طور پر ویکسین دی گئی ہے ۔ ویکسین تک رسائی سمیت ہیلتھ ورکرزکےحقوق کویقینی بنائیں گے۔

خیال رہے کہ دنیا بھر میں 135 ملین افراد صحت عامہ کے شعبے میں  کام کررہے ہیں ۔