وزیرداخلہ متحدہ عرب امارات سے وطن واپس پہنچ گئے 

ذرائع کے مطابق وفاقی وزیر داخلہ شیخ رشید  موجودہ ملکی صورتحال کے پیش نظر متحدہ عرب امارات سے واپس وطن پہنچ گئے ہیں ۔ 

ملک سے روانگی کے وقت انہوں نے کہا تھا کہ خواہ وہ کلکتہ ہو، دبئی ہو، یا چنائی مجھے دو دن کی چھٹی ملی ہے ۔ میں ٹی ٹوینٹی ورلڈ کپ کے میچز دیکھنے دبئی جا رہا ہوں۔

گزشتہ روز وفاقی وزیر داخلہ شیخ رشید احمد پاک بھارت کرکٹ میچ دیکھنےدوبئی گئے تھے۔ 

دوسری جانب  گزشتہ روز سے ملک بھر میں احتجاجی مظاہروں کا سلسلہ جاری ہے جبکہ پولیس اور مظاہرین کے درمیان جھڑپیں بھی ہوئیں حکومت نے لاہور کے متعدد علاقوں میں انٹر نیٹ سروس معطل کر دی ہے جبکہ بیشتر علاقوں میں انٹر نیٹ سست روی کا شکار ہے ۔

واضح رہے کہ پاکستان اپنا پہلا میچ روایتی حریف بھارت کے خلاف 24 اکتوبر کو کھیلے گا جو پاکستانی وقت کے مطابق رات 7 بجے شروع ہوگا۔