اداکارہ ثنا فخر کی والدہ انتقال کرگئیں

پاکستانی فلم و  ٹی وی ا نڈسٹری کی معروف اداکارہ  ثنا فخر نے فوٹو اینڈ ویڈیو شیئرنگ ایپ انسٹاگرام پر اپنی  والدہ کے انتقال کی اطلاع دی ۔

ثنا نے اپنی مرحومہ والدہ کے ہمراہ ایک یادگار تصویر شیئر  کرتے ہوئے لکھا کہ " موت زندگی کا مخالف نہیں بلکہ زندگی کا ایک حصہ ہے، امّاں! میں آپ کو بہت یاد کروں گی۔"

اداکارہ کی پوسٹ پر شوبز ستاروں  کی جانب سے اُن کی مرحومہ والدہ  کی وفات پر تعزیت  کا اظہار کیا جارہا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Sana Fakhar (@sana_fakhar)

ثنا فخر اگرچہ گزشتہ کچھ عرصے سے اسکرین سے دور ہیں لیکن سوشل میڈیا پر متحرک رہتی ہیں۔

یاد رہے کہ اداکارہ ثنا نے 1997 میں فلموں سے کیریئر کا آغاز کیا تھا اور وہ 2000 کی مقبول ہیروئنز میں سے ایک ہیں، انہوں نے فلموں کے ساتھ ساتھ متعدد ڈراموں میں بھی اداکاری کی ۔ ثنا فخر نے 2008 میں فخر امام سے شادی کی تھی اور ان کے دوبچے بھی ہیں ۔