پاک فوج امن کیلئےخدمات میں ہمیشہ پیش پیش رہی ہے ، آرمی چیف کا اقوام متحدہ کی سالگرہ پر پیغام 

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق  اقوام متحدہ کی 76ویں سالگرہ پر  پاک فوج  کی جانب سے نیک تمناؤں کا اظہار کیا گیا ہے۔

Pakistan Armed Forces extend best wishes to @UN on its 76th anniversary. “Pakistan Army has distinguished history of serving humanity for peace. Sacrifices by our men bear testimony to our unwavering resolve for global peace in line with our Founding Father’s vision” COAS.

— DG ISPR (@OfficialDGISPR) October 24, 2021

آئی ایس پی آر کا کہنا ہے کہ پاک فوج انسانیت کی خدمت کی عظیم تاریخ کی حامل ہے، پاک فوج نے ملک کے بانیوں کے وژن کی روشنی میں دنیا میں امن کی خاطر جانیں نچھاور کیں۔

آئی ایس پی آر کے مطابق پاکستان نے امن کارروائیوں کی حمایت انیس سو ساٹھ میں شروع کی۔کانگو میں اپنا پہلا دستہ تعینات کیا۔  پاک فوج  کے پیس  کیپر اب تک اٹھائیس ممالک کے چھیالیس امن مشنز میں حصہ لے چکے ہیں۔

آرمی چیف جنرل قمر جاوید باجوہ نے اس موقع پر  کہا ہے کہ پاک فوج امن کے لیے خدمات میں ہمیشہ پیش پیش رہی ہے۔ہمارے جوانوں  نے ہرآزمائش کی گھڑی میں قربانیاں دیں، عالمی امن کےفروغ کیلئےہماری قربانیاں دنیاکےسامنےہیں۔