ایران کے صوبائی گورنر کو تقریب کے دوران ایک شخص نے تھپڑ جڑ دیا

تبریز: ایران کے صوبائی گورنر کو تقریب کے دوران ایک شخص نے تھپڑ جڑ دیا۔

بین القوامی میڈیا رپورٹ کے مطابق ایران کے صوبے آزربائیجان کے نومنتخب گورنر  کو تقریب کے دوران ایک شخص نے اسٹیج پر جاکر تھپڑ رسید کیا اور تشدد کی کوشش بھی کی۔

یہ تقریب صوبائی دارالحکومت تبریز میں جاری تھی، جس میں جب نئے گورنر عابدین خرم اسٹیج پر تقریر کے لیے پہنچے تو  ایک شخص دائیں طرف سے نکلا اور آکر منہ پر تھپڑ رسید کردیا۔

#Iran opened a criminal investigation into an assault against East Azerbaijan province's new governor, a former brigadier in the Revolutionary Guards, during his inauguration ceremony, state media reports.https://t.co/tn9DAltUCM pic.twitter.com/90gDavYghe

— Al Arabiya English (@AlArabiya_Eng) October 23, 2021

رپورٹ کے مطابق عابدین خرم سپاہِ پاسداران انقلاب کے سابق کمانڈربھی ہیں جنہیں‌ حال ہی میں‌ ابراہیم رئیسی نے آزربائیجان کا گورنر منتخب کیا ہے۔

قریب میں موجود سیکیورٹی اہلکاروں نے حملہ کرنے والے شخص کو حراست میں لے کر تھانے منتقل کیا اور دہشت گردی کا مقدمہ درج کر کے تحقیقات کا آغاز کردیا۔

ایرانی میڈیا رپورٹ کے مطابق عابدین خرم  گورنر کا عہدہ سنبھالنے کے بعد کسی بھی پہلی تقریب میں شریک ہوئے تھے۔