کالعدم تنظیم کیخلاف بدھ تک کیسز واپس لیں گے، شیخ رشید

وزیرداخلہ شیخ رشید  نے  پریس کانفرنس میں کہا کہ  کالعدم تنظیم  سے تفصیلی بات چیت ہوئی، منگل بدھ تک کیسز واپس لیں گے، کالعدم تنظیم  کیساتھ 8 گھنٹے طویل مذاکرات ہوئے، یہ طے ہوا کہ شیڈول فور پر بھی نظر ثانی کریں گے۔ امن وامان کی صورتحال بہتر بنانے کیلئےاقدامات کررہے ہیں، فیٹف میں ابھی ہماراایک پوائنٹ رہتا ہے۔

وزیر داخلہ نے کہا کہ کوشش کریں گے جلداز جلد پایا تکمیل تک پہنچائیں ، مذاکرات میں تاخیر کیوں ہوئی یہ مشکل بات ہے، سعد رضوی سے بھی ون ٹو ون بات ہوئی،  کالعدم ٹی ایل پی کیساتھ مذاکرات میں وقت لگتا ہے۔انہوں نے کہا کہ قوم جوش وجذبے کیساتھ پاک بھارت میچ دیکھنےکیلئے بے تاب ہے، پاکستان اور بھارت کا میچ میں نے کبھی مس نہیں کیا، وزیراعظم کی ہدایت پر شارجہ سے فلائٹ پکڑ کو فوری واپس آیا۔

،شیخ رشید نے کہا کہ  انتظامیہ کا ہدایت کرتا ہوں کہ کنٹینر سائیڈ پر کر دے جی ٹی روڈ پر چاہے رہیں ، پورےپاکستان کی سیاسی جماعتوں کیساتھ مذاکرات کرنے کو تیار ہوں ، پی ٹی آئی اگلا بجٹ الیکشن بجٹ دے گی ، احتجاج سیاسی پارٹیوں کاحق ہے، حکومت کا کام ہے کہ وہ لچک رکھے،  ریاست کاکام ڈنڈا چلانا نہیں ہے، کوشش کرنی چاہیے کہ ملک کو بہتری کی طرف لے جایاجائے۔

شیخ رشید کا کنہا تھا کہ  اس وقت ڈی جی آئی ایس آئی لیفٹیننٹ جنرل فیض حمید ہیں، مجھے نہیں پتا نوٹیفکیشن کا معاملہ کب تک حل ہوگا۔ اللہ تعالیٰ سے امید ہے عمران خان 5 سال پورے کرے گا، پی ڈی ایم ہر نومبر دسمبر میں مشق کرتی ہے، اپوزیشن جماعتیں جمعہ جمعہ کھیل رہی ہیں، تحریک انصاف کی حکومت آئندہ سال آخری بجٹ دے گی۔