مقبوضہ کشمیر میں جشن مودی کی آنکھیں کھولنے کیلئے کافی ہونا چاہئے: فواد چوہدری 

تفصیلات کے مطابق وفاقی وزیر اطلاعات و نشریات چوہدری فواد حسین نے سماجی رابطے کی ویب سائٹ ٹوئٹرپر ایک پیغام  میں  کہا  کہ بھارت میں کرکٹ ٹیم کی شکست کے بعد کشمیر میں جو جشن منایا گیا وہ مودی اینڈ کمپنی کی آنکھیں کھولنے کیلئے کافی ہونا چاہئے۔

ان کا کہنا تھا  کہ جس طرح مسلمانوں کو ایک بار پھر مودی کے چمچوں نے ذہنی اور جسمانی اذیت کا نشانہ بنایا اس کی مذمت کرنا ہو گی، فواد چوہدری نے کہا کہ شدت پسندی کے خلاف آوازوں کو بلند ہونا ہو گا۔ 

بھارت میں کرکٹ ٹیم کی شکست کے بعد کشمیر میں جو جشن منایا گیا وہ مودی اینڈ کمپنی کی آنکھیں کھولنے کیلئے کافی ہونا چاہئے،جس طرح مسلمانوں کو ایک بار پھر مودی کے چمچوں نے ذہنی اورجسمانی اذیت کا نشانہ بنایا اس کی مذمت کرنی ہو گی،شدت پسندی کے خلاف آوازوں کو بلند ہونا ہو گا #PakvsIndia

— Ch Fawad Hussain (@fawadchaudhry) October 25, 2021

گزشتہ روز ٹی ٹوئنٹی ورلڈ کپ میں پا کستان کی بھارت  کے خلاف جیت پر مقبوضہ کشمیر میں بھی  جشن منایا گیا تھا ۔ کشمیریوں  نے آتش بازی کے ساتھ پاکستان زندہ باد اور پاکستان ہمارا ہے" کے  نعرے بھی لگائے تھے۔

واضح رہے کہ ا ٓئی سی سی مینز ٹی ٹوئنٹی ورلڈکپ کے سپر 12 مرحلے میں پاکستان نے بھارت کو یکطرفہ مقابلے کے بعد 10 وکٹوں سے شکست دے کر تاریخی فتح حاصل کی ۔ بھارت کو آؤٹ کلاس کرنے کے بعد قومی ٹیم نے حریفوں کے لیے  بھی خطرے کی گھنٹی بجا دی ہے۔