بھارتی کمنٹیٹر نے میچ کے فاتح کپتان بابراعظم کو " مغلِ اعظم " کا خطاب دیدیا

ابوظہبی : پاکستان نے گزشتہ روز بھارت کے خلاف بہترین بلے بازی کرتے ہوئے دس وکٹوں سے شکست دیدی ۔ 

اس شکست نے بھارت کے ورلڈ کپ کے کسی بھی ایونٹ میں پاکستان سے ناقابل شکست رہنے کی روائت کو بھی توڑ دیا ۔ بابراعظم اور محمد رضوان کی بہترین بلے بازی اور شاہین شاہ آفریدی کی بہترین باؤلنگ نے میچ کو یک طرفہ بنادیا ۔ 

مگراس میچ کی خاص بات یہ ہے کہ اس میچ کے دوران کئی ریکارڈ جہاں پاش پاش ہوئے وہیں پاکستانی کپتان کی کھل کر تعریف کی گئی ۔ 

یہ تعریف بھی بھارتی کمنٹریٹرز کی جانب سے کی گئی ۔ بھارتی ٹیم کی شکست اور پاکستانی فتح کے ساتھ ہی بھارتی کمنٹریٹر نے بابراعظم کو" مغلِ اعظم " کا خطاب دیدیا ۔