کویت : طلبا کے تعلیمی نقصان کی تلافی کیلئے’نائٹ اسکولز‘ کھولنے کا فیصلہ 

خلیجی میڈیا رپورٹس کے مطابق  کویت کی وزارت تعلیم وزارت صحت کی ہم آہنگی سے رات کے وقت اسکولوں کو کھولنے کا منصوبہ بنا رہی ہے ۔ کویتی وزارت تعلیم کے انڈر سیکریٹری ڈاکٹر علی الیعقوب کا کہنا ہے  کہ وزارت تعلیم وزارت نومبر میں نائٹ اسکول کھول کر کورونا کے باعث ہونیوالے تعلیمی نقصان کی تلافی کا منصوبہ رکھتی ہے ۔ حولی تعلیمی علاقے کے زیر اہتمام تعلیمی ضیاع پر بحث کرنے والے ایک فورم کے سائیڈ لائن پر الیعقوب نے اعلان کیا کہ تعلیمی ضیاع کی تلافی کو پورا کرنے کا منصوبہ طبی حکام پر منحصر ہے۔

انہوں نے واضح کیا کہ طلباء کے تقریباً ڈیڑھ سال سے اسکولوں سے غیر حاضر رہنے کی وجہ سے تعلیمی سطح میں خلا پیدا ہوا ہے اس لیے منصوبے ہر طالب علم کے معاملے پر غور کریں گے تاکہ ان کی تلافی کی جاسکے۔

کویتی وزارت تعلیم کے انڈر سیکریٹری نے کہا کہ طلباء کی کارکردگی کو بہتر بنانے کے لیے  34 تشخیصی اور تجزیاتی ٹیسٹ کیے گئے تاکہ حل اور پالیسی  بنائی جاسکے ۔ انہوں نے کہا کہ تقریباً ڈیڑھ سال سے سکولوں میں طلباء کی غیر حاضری کی وجہ سے تعلیمی سطح میں فرق آیا ہے  لہٰذا منصوبے کے تحت  ہر طالب علم کے تعلیمی نقصان کی بہتر انداز میں تلا فی کی جاسکے ۔ 

کویتی وزارت تعلیم کے انڈر سیکریٹری  کا کہنا ہے کہ ہر مہینے کے آخر تک تمام  منصوبوں کا جائزہ لیا جائے گا  اور وزارت صحت کے حکام کے ساتھ مل کر کلاس کے اوقات اور حاضری کے طریقہ کار سمیت تمام اقدامات کا جائزہ لیا جائے گا ۔  انہوں نے تصدیق کی کہ رات کے اسکول کھولنے کے امکان پر وزارت تعلیم صحت کے حکام کے ساتھ رابطہ قائم کرنے کے لیے پرعزم ہے۔