مجھے اور اعظم سواتی کو الیکشن کمیشن کا نوٹس زیادتی پر مبنی ہے:فواد چوہدری

تفصیلات کے مطابق وفاقی وزیر اطلاعات و نشریات فواد چودہدری کا کہنا تھا کہ وزیراعطم مہنگائی کم کرنے سے متعلق پیکج کا اعلان کریں گے جس کے ذریعے براہ راست ایک کروڑ آبادی کو ریلیف دیا جائے گا۔

ان کا کہنا تھا کہ وقت آنے پر کالعدم تنظیم کے ساتھ معاہدے سے متعلق بتا دیا جائے گا جبکہ کور کمیٹی کے اجلاس میں کالعدم تنطیم پر کوئی بات نہیں ہوئی ہے۔

فواد چوہدری کا مزید کہنا تھا کہ پنجاب میں شہروں کے میئر کا انتخاب براہ راست ہو گا۔

وزیراعظم کے معاون خصوصی شہباز گل کا کہنا تھا کہ کور کمیٹی نے الیکشن کمیشن کے نوٹس پر سخت تشویش کا اظہار کیا جب کہ وزیراعظم نے بھی الیکشن کمیشن کے نوٹس پر ناراضگی کا اظہار کیا ہے، ان کا کہنا تھا کہ جمہوری معاشروں میں بات کرنے کی آزادی ہوتی ہے۔