پاکستان
وزیر اعظم کا 120 ارب روپے کے پیکج کا اعلان
اسلام آباد: وزیر اعظم عمران خان نے 120 ارب روپے کے پیکج کا اعلان کردیا۔
وزیر اعظم عمران خان نے قوم سے خطاب کرتے ہوئے کہا کہ خوف تھا کہ کورونا کیسز بڑھےتو حالات خراب ہوجائیں گے، این سی او سی کی ٹی میں ٹاپ کے ڈاکٹرز، فوج اور دیگر لوگ شریک تھے، کورونا وائرس کی وجہ سے پاکستان ہی نہیں پوری دنیا متاثر ہوئی ہے، ایک سال معیشت کو مستحکم کرنےمیں لگا اور اس کے بعد کورونا آگیا، مشکل حالات کی وجہ سے ہمیں آئی ایم ایف کے پاس جانا پڑا، سعودی عرب، یو اے ای، اور چین کے شکر گزار ہیں جنہوں نے ہماری مدد کی۔
وزیراعظم نے خطاب میں کہا کہ کورونا کےدوران مودی نے بھارت میں کرفیو لگایا، کورونا کےدوران مجھ پرپریشر ڈالاگیاکہ مکمل لاک ڈاؤن کروں، ہمیں خوف تھا کہ بیروزگارہوجائیں گے، ہم نے چھوٹے اوراسمار ٹ لاک ڈاؤن لگا کر اپنی معیشت کو بچایا، کورونا کےد وران خوف تھا کہ لوگ بے روزگار ہوجائیں گے، ہم نے کورونا کے دوران 8ارب روپے معیشت کو بچانے پر خرچ کیا، امریکہ نے لاک ڈاون لگایا تو ان کی معیشت نیچے چلی گئی۔
وزیر اعظم عمران خان نے کہا کہ کورونا کو بہتر طریقے سے ہینڈل کرنے پر دنیا نے ہماری تعریف کی، چاول کی گروتھ13.6فیصد بڑھی ہے، گندم کی پیداوارمیں8فیصد کااضافہ ہوا ہے، یوریا 23فیصد زیادہ استعمال ہوا ہے،
ٹریکٹر اور موٹرسائیکل کی ریکارڈسیل ہوئی، لارج اسکیل مینو فیکچرنگ میں اضافہ ہوا، ٹیکس وصولیوں میں 37فیصد اضافہ ہوا ہے، گاڑیوں کی فروخت میں 131فیصد اضافہ ہوا ہے، لارج اسکیل مینوفیکچرنگ میں 13فیصد اضافہ ہوا ہے، تعمیرات کے شعبے میں 600ارب روپے کے شعبے چل رہے ہیں ، اس بار زراعت کے شعبے میں1100ارب روپے گیا ہے۔
وزیراعظم کا کہنا تھا کہ 6ماہ تک پیکیج سے گھی،آٹا،دال کی قیمت میں30فیصد ڈسکاؤنٹ ملےگا، میں تمام چیزوں کی قیمتیں آدھی کردوں گا، دو بڑے خاندانوں سے درخواست ہے کہ آپ نے جو پیسہ جمع کیا وہ آدھا واپس لے آئیں۔انہوں نے کہا کہ مارچ تک پنجاب کے تمام خاندانو ں کو ہیلتھ انشورنس دے دیں گے، سندھ حکومت سے بھی کہوں گا کہ وہ ہیلتھ انشورنس دیں ، ہیلتھ کارڈ کے ذریعے 10لاکھ روپے تک علاج کرایا جاسکتا ہے، خیبر پختونخوا کے تمام شہریوں کو ہیلتھ انشورنس دے چکے ہیں۔
وزیراعظم عمران خان نے خطاب میں کہا کہ 60اسکالرشپ دیں گے، جس پر 47ارب روپے خرچ ہوں گے، ابھی تک پروگرام کے تحت 30ارب روپے قرضہ دے چکے ہیں، کامیاب جوان پروگرام کے تحت نوجوانوں کو قرضے دے رہے ہیں، خاندان کے ایک فرد کو ٹیکنیکل ٹریننگ دی جائے گی، کسانوں کو سود کے بغیر 5لاکھ روپے تک کا قرضہ ملے گا،
کسانوں کو سود کے بغیر 5لاکھ روپے تک کا قرضہ ملے گا، 40لاکھ خاندانوں کیلئے سود کے بغیر قرضوں کا پروگرام لارہے ہیں، دوکروڑ خاندانوں کیلئے پیکیج لارہے ہیں، 13کروڑ پاکستانیوں کا فائدہ ہوگا۔
وزیراعظم عمران خان نے قوم سے خطاب میں کہا کہ عالمی سطح پر گھی قیمتوں میں ڈبل اضافہ ہوچکا ہے، ہمارا خسارہ بڑھتا جارہا ہے، پیٹرول کی قیمت بڑھانی پڑے گی، آج پاکستان میں پیٹرول پورے خطے میں سب سے سستا ہے، بنگلہ دیش میں پیٹرول 200 اور پاکستان میں 138روپے فی لیٹر ہے، بھارت میں فی لیٹر پیٹرول 250روپے ہے، ساڑھے 300فیصد بحری جہاز کے کرائیوں میں اضافہ ہوا ہے، عالمی سطح پر ضروری اشیا کی قیمتوں میں 50 اور پاکستان میں 9فیصد اضافہ ہو اہے، مہنگائی کا مسئلہ ہے، اپوزیشن کا کام تنقید کرنا ہے اور تنقید سے فائدہ ہوتا ہے۔
پاکستان
وزیراعظم محمد شہباز شریف کی وفاقی وزیر داخلہ محسن نقوی کی ملاقات
وزیراعظم نے کہا کہ شہید کانسٹیبل کے اہل خانہ کے دکھ میں برابر کے شریک ہیں، شہید کے اہل خانہ کا مکمل طور پر خیال رکھا جائے
وزیراعظم محمد شہباز شریف سے وفاقی وزیر داخلہ محسن نقوی کی ملاقات ہوئی،وفاقی وزیر داخلہ نے وزیراعظم کو اسلام آباد کی تازہ ترین صورتحال پر بریفنگ دی۔
وزیراعظم کی اسلام آباد کی امن و امان کی صورت حال کو قابو میں رکھنے کے حوالے سے وفاقی وزیر داخلہ، اسلام آباد انتظامیہ ، اسلام آباد پولیس کی ستائش ، اسلام آباد پر دھاوے کو ناکام بنانے پر اسلام آباد پولیس نے شاندار کردار ادا کیا۔
وزیراعظم نے کہا کہ شہید کانسٹیبل کے اہل خانہ کے دکھ میں برابر کے شریک ہیں، شہید کے اہل خانہ کا مکمل طور پر خیال رکھا جائے، اسلام آباد کی شہریوں کی جان و مال کے حفاظت کو یقینی بنایا گیا ، صورتحال تیزی سے معمول کی طرف لوٹ رہی ہے، معیشت کی ترقی اور مملکت خداداد کی خوشحالی ہماری اولین ترجیح ہے۔
وزیراعظم شہبازشریف کا کہنا تھاکہ پاک فوج، پنجاب پولیس اور رینجرز کے دستوں نے بھی اسلام آباد میں امن و امان کی صورتحال برقرار رکھنے میں کلیدی کردار ادا کیا ،کانسٹیبل حمید شاہ نے عوام کے جان و مال کا تحفظ کرتے ہوئے جام شہادت نوش کیا، اللہ تعالیٰ شہید کے درجات بلند فرمائیں،قوم یہ قربانی ہمیشہ یاد رکھے گی۔
محسن نقوی نے کہا کہ سیکیورٹی کے بہترین اور اعلیٰ معیار کے انتظامات کیے جا رہے ہیں جس پر پوری توجہ ہے ،اہم شاہراہیں ٹریفک کے لئے کھول دی گئی ہیں، صورتحال تیزی سے معمول پر آ رہی ہے ، سری لنکا میں قید 56 پاکستانی قیدی آج وطن واپس پہنچیں گے ،عبد العلیم خان سری لنکا سے پاکستانی قیدیوں کی وطن واپسی کے تمام اخراجات برداشت کریں گے۔
وزیر اعظم شہباز شریف کا کہنا تھا کہ سیاسی مخالفین کو پاکستان کی معیشت میں بہتری ہضم نہیں ہو رہی، دنیا پاکستان کی معاشی پالیسیوں کی معترف ہے، سیاسی مخالف پاکستان کی ترقی میں رخنہ ڈالنا چاہتے ہیں، پاکستان کی معیشت کے حوالے سے کسی کو غیر قانونی طور پر عدم استحکام پیدا نہیں کرنے دیں گے، آنے والے دنوں میں پاکستان میں ہونے والی بین الاقوامی تقاریب معمول کے مطابق ہوں گی ۔
پاکستان
مشرق وسطیٰ پر آل پارٹیز کانفرنس کل ہو گی
آل پارٹیز کانفرنس کا مقصد فلسطین کی مظلوم عوام کے کے لئے سیاسی یگانگت کے ساتھ یکجہتی کا پیغام دینا ہے
صدر مملکت اور وزیراعظم پاکستان کی میزبانی میں مشرق وسطیٰ پر آل پارٹیز کانفرنس کل ہو گی۔
وزیراعظم شہباز شریف نے چیئرمین پیپلز پارٹی اور امیر جماعت اسلامی سے ملاقات میں آل پارٹیز کانفرنس بلانے کا فیصلہ کیا تھا ، آل پارٹیز کانفرنس میں ملک بھر کی سیاسی قیادت شریک ہو گی، آل پارٹیز کانفرنس میں مشرق وسطیٰ میں پیدا ہونے والی صورتحال، فلسطین میں اسرائیلی جرائم پر غور ہو گا۔
آل پارٹیز کانفرنس کا مقصد فلسطین کی مظلوم عوام کے کے لئے سیاسی یگانگت کے ساتھ یکجہتی کا پیغام دینا ہے، آل پارٹیز کانفرنس فلسطین اور مشرق وسطیٰ میں پیدا ہونے والی صورتحال کے تناظر میں قومی اتفاق رائے پیدا کرنا ہے۔
ذرائع کا کہنا ہے کہ تحریک انصاف کو بھی اے پی سی میں شرکت کی دعوت دی گئی ہے اے پی سی کل سہ پہر تین بجے ایوان صدر میں ہوگی
تجارت
ملک میں پیٹرولیم مصنوعات کی فروخت میں سالانہ بنیادوں پر تین فیصد کمی
مالی سال کی پہلی سہ ماہی میں پیٹرولیم مصنوعات کی فروخت 3.68 ملین ٹن ریکارڈ کی گئی
رواں مالی سال کی پہلی سہ ماہی میں ملک میں پیٹرولیم مصنوعات کی فروخت میں سالانہ بنیادوں پر تین فیصد کمی ریکارڈ کی گئی۔
آئل کمپنیز ایڈوائزری کونسل (او سی اے سی) اور انڈسٹری کے اعداد و شمار کے مطابق مالی سال کی پہلی سہ ماہی میں پیٹرولیم مصنوعات کی فروخت 3.68 ملین ٹن ریکارڈ کی گئی جو کہ گزشتہ مالی سال کی پہلی سہ ماہی کے 3.81 ملین ٹن سے تین فیصد کم ہے۔
ستمبر2024میں ملک میں 1.27ملین ٹن پٹرولیم مصنوعات کی فروخت ریکارڈکی گئی جوگزشتہ سال ستمبرکے مقابلے میں 5 فیصد زیادہ ہے، گزشتہ سال ستمبر میں ملک میں 1.22ملین ٹن پٹرولیم مصنوعات کی فروخت ریکارڈکی گئی تھی۔
اعداد و شمارکے مطابق مالی سال کی پہلی سہ ماہی میں 1.85ملین ٹن پیٹرول، 1.42ملین ٹن ہائی اسپیڈ ڈیزل اور 0.21 ملین ٹن فرنس آئل کی فروخت ہوئی۔
گزشتہ مالی سال کی پہلی سہ ماہی میں ملک میں 1.85ملین ٹن پیٹرول ،1.44ملین ٹن ہائی اسپیڈ ڈیزل اور0.35 ملین ٹن فرنس آئل کی فروخت ریکارڈکی گئی تھی۔
-
پاکستان 22 گھنٹے پہلے
پی ٹی آئی احتجاج کے دوران چھڑپوں میں زخمی اہلکار عبدالحمید ڈم توڑ گیا
-
تجارت 2 دن پہلے
پاکستان اور عالمی مارکیٹ میں سونے کی قیمت میں ایک بار پھر بڑا اضافہ
-
پاکستان 2 دن پہلے
پی ٹی آئی کا احتجاج : پولیس احتجاج ناکام بنانے میں متحرک ، داخلی خارجی راستے بند
-
پاکستان 2 دن پہلے
دارلحکومت میں 5 سے 17 اکتوبر تک فوج کی تعیناتی کا نوٹیفکیشن جاری
-
پاکستان 2 دن پہلے
ڈی چوک ہماری منزل ہے، ہر صورت وہاں پہنچیں گے، علی امین گنڈا پور
-
تجارت 15 منٹ پہلے
ملک میں پیٹرولیم مصنوعات کی فروخت میں سالانہ بنیادوں پر تین فیصد کمی
-
جرم ایک دن پہلے
سی ٹی ڈی کی مختلف شہروں میں کارروائیاں ، 18 دہشت گردگرفتار
-
پاکستان 13 گھنٹے پہلے
شہید پولیس کانسٹیبل عبدالحمیدشاہ کی نمازِ جنازہ ڈی چوک اسلام آباد میں ادا