چینی کی قیمتوں میں ہوشربا اضافہ

جی این این کے مطابق اوپن مارکیٹ میں چینی بحران شدت اختیار کر گیا، دو ہفتوں میں چین  کی بوری 1450 روپے مہنگی ہو گئی ۔  لاہور کی اکبر ی منڈی میں 50 کلو چینی کی قیمت 6750 روپے ہو گئی ۔ جبکہ ہول سیل مارکیٹ میں چینی کا ریٹ 117 روپے فی کلو سے بھی تجاوز کر گیا ۔

ضلعی انتظامیہ کا دکانداروں کو  درآمد ی چینی فی کلو 90 روپے بیچنے کا حکم دیا گیا تھا،  انتظامیہ نے نئی جاری کی گئی ریٹ لسٹ میں چینی کو شامل ہی نہیں کیا ۔

اوپن مارکیٹ میں چینی 125 سے لے کر 130 روپے فی کلو میں فروخت ہو رہی ہے۔ 

خیال رہے کہ گزشتہ دنوں بھی یوٹیلٹی اسٹورز پر مختلف برانڈز کے گھی اور کوکنگ آئل کی قیمتوں میں اضافہ کیا گیا تھا ۔