عمران خان کو ووٹ دینے کامطلب عوام کے خلاف ووٹ دینا ہے:مریم نواز

میڈیا سے گفتگو کرتے ہوئےمسلم لیگ ن کی نائب صدر مریم نواز کا کہنا تھا کہ حمزہ شہباز پارٹی کا اثاثہ ہیں،حمزہ شہباز نے بہادری کیساتھ جھوٹے مقدمات کا سامنا کیا اور حمزہ شہبازنے 2 سال ناحق جیل کاٹی،حمزہ کی رہائی پر بہت خوشی ہے، حمزہ شہباز میری طرح پارٹی کےکارکن ہیں،ہم دونوں پارٹی کیلئے خدمات سرانجام دیں گے۔

انہوں نے مزید کہا کہ بڑے بڑے دعوے کرتے تھےایک حلقہ کھلا تو اصلیت سامنے آ گئی،ایک حلقے کا ری الیکشن تک برداشت نہیں کر سکتے،ڈسکہ میں ان کی چوری پکڑی گئی،ووٹ چور کی کارکردگی، نالائقی اور نااہلی نے ووٹ بینک پر اثرڈالا، عمران خان کو ووٹ دینے کامطلب عوام کے خلاف ووٹ دینا ہے،یہ فیصلہ چیلنج اس لیے  کر رہے ہیں کیونکہ چوری پکڑی گئی ہے،یہ انتظامی افسروں کی سزا کو بھی چیلنج کر رہے ہیں کیونکہ چوری پکڑی گئی ہے اور وہ جا کر اصل چور کا پول کھول دیں گے، ہمیں تو ایمپائر کا بتایا جاتا تھا لیکن یہاں تو ایمپائر کو ہی اغوا کر لیا،ایمپائر کو اغوا کرنے کے باوجود پھر بھی الیکشن ہار گئے۔

ایک سوال کے جواب میں مریم نواز کا کہنا تھا کہ سینیٹ کے معاملے میں کچھ نہ کہوں تو بہتر ہے،پی ٹی آئی کے ارکان اپنی جماعت کو ووٹ دینے کو تیار نہیں،یہ جانتے ہیں کہ اگر شفاف انتخاب ہو گیا تو ان کی ضمانتیں ضبط ہو جائیں گی، ڈسکہ کا ضمنی الیکشن بھی آ رہا ہے اور ہمار ی توجہ اب ڈسکہ ضمنی انتخاب پر ہوگی جبکہ لانگ مارچ کی تیاریاں جلد شروع ہوں گی،ڈسکہ اور سینیٹ الیکشن کے بعد لانگ مارچ کی تیاری ہے لیکن ہوسکتا ہے لانگ مارچ کی ضرورت ہی پیش نہ آئے۔