اپوزیشن کا حکومت کو قانون سازی کے معاملے پر ٹف ٹائم دینے کا فیصلہ

 ذرائع کے مطابق حکومت کو قانون سازی پر ٹف ٹائم دینے کے لیے حزب اختلاف کی جماعتوں پر مشتمل قانونی کمیٹی کا اجلاس منعقد ہوا جس میں سابق وزرائے اعظم سید یوسف رضا گیلانی، شاہد خاقان عباسی، شیری رحمان، مریم اورنگزیب، سید خورشید شاہ، خواجہ سعد رفیق، شازیہ مری اور سردار ایاز صادق نے شرکت کی۔

ذرائع کا کہنا ہے کہ اجلاس میں فیصلہ کیا گیا کہ حکومت کی جانب سے قانون سازی کی کوشش کو ناکام بنایا جائے گا۔

اجلاس میں یہ فیصلہ بھی کیا گیا کہ  نیب آرڈیننس اور ای وی ایم کا منصوبہ بھی ناکام بنایا جائے گا۔ اجلاس میں ای وی ایم کو سازشی منصوبہ بھی کہا گیا۔ 

اپوزیشن رہنماؤں نے اجلاس میں متفقہ طور پر فیصلہ کیا کہ حکومت کے عوام دشمن عزائم کا ڈٹ کر مقابلہ کیا جائے گا اور پارلیمنٹ میں حکومت کو ٹف ٹائم دیا جائے گا۔