افغان قائم مقام وزیر خارجہ،  وفد کے ہمراہ 10 سے 12 نومبر کو پاکستان کو دورہ کریں گے، ترجمان دفتر خارجہ

ترجمان دفتر خارجہ کی جانب سے جاری کردہ بیان کے مطابق  افغانستان کے قائم مقام وزیر خارجہ امیر خان متقی اعلی سطحی وزارتی وفد کے ہمراہ 10 سے 12 نومبر 2021 کو پاکستان کا دورہ کریں گے۔ افغان وفد کا یہ دورہ 21 اکتوبر 2021 کو وزیر خارجہ مخدوم شاہ محمود قریشی کے حالیہ دورہ کابل کے سلسلے کی کڑی ہے۔  ان رابطوں میں پاکستان اور افغانستان کے دو طرفہ تعلقات کو مرکزیت حاصل ہے ۔ 

ترجمان دفتر خارجہ کا کہنا ہے کہ  افغان وفد کے ساتھ بات چیت میں تجارت، تجارتی راہداری میں سہولت، سرحد کے آرپار نقل وحمل توجہ مرکوز رہے گی۔  افغان وفد کے ساتھ بات چیت میں زمینی و فضائی رابطوں کے علاوہ عوامی رابطوں میں اضافے اور خطے کو باہم ملانے پر توجہ مرکوز رہے گی۔