اسپیکر قومی اسمبلی اور اپوزیشن کے درمیان ہونے والی ملاقات کی اندرونی کہانی سامنے آگئی

تفصیلات کے مطابق  اسپیکر قومی اسمبلی اسد قیصر اور اپوزیشن کے درمیان ہونے والی ملاقات کی اندرونی کہانی سامنے آگئی،ذرائع کا کہنا ہے کہ  اپوزیشن نے اسپیکر کو قانون سازی پر بننے والی کمیٹی کو بحال کرنے کا مطالبہ کردیا۔اپوزیشن کا کہنا ہے کہ  قانون ساز کمیٹی میں یہ تمام بلز پہلے سے موجود ہے، قانون ساز کمیٹی میں حکومت اور اپوزیشن کے نمائندے موجود ہے،  قانون ساز کمیٹی ان تمام بلز کا تفصیلی جائزہ لیکر فیصلہ کرے گی۔قانون ساز کمیٹی کے فیصلے پر سب عملدرآمد کریں گے۔

ذرائع کے مطابق اپوزیشن نے  ای سی پی کمیٹی میں حکومت کے زائد ممبران کے نام ہونے پر بھی اعتراض کردیا،اپوزیشن نے مطالبہ کیا ہے کہ  ای سی پی کمیٹی میں حکومت اور اپوزیشن کے برابر کی نمائندگی دی جائے،  اسپیکر تمام قوانین کو تحریری طور پر لکھ کر اپوزیشن کو دیں گی، حکومت ہر بات سے مکر جاتی ہے اب جو بھی ہوگا تحریری ہوگا۔