ناظم جوکھیو قتل کیس : مقتول کا موبائل فون ، کپٹرے جام ہاؤس کے قریب کنویں سے مل گئے

تفصیلات کے مطابق ناظم جوکھیوکے موبائل فون اور کپڑے جام ہاؤس کے قریب کنویں سے مل گئے۔ تفتیشی حکام کا کہنا ہے کہ   قتل کے بعد موبائل اور کپڑے کنویں میں پھینک کر آگ لگا دی گئی تھی۔زیرحراست ملزموں کی نشاندہی پر تفتیشی ٹیم کنویں تک پہنچی۔ موبائل فون کافی حد تک جل چکا ہے ، موبائل اور کپڑے فرانزک کے لیے پنجا ب لیبارٹری بھیجے جائیں گے۔ لیبارٹری رپورٹ آنے پر تفتیش میں پیش رفت ہوگی۔

تفتیشی ذرائع کے مطابق ناظم جوکھیو نے جام اویس کے ڈیرے پر جانے سے قبل اپنا آخری آڈیو پیغام مظہر جونیجو کو بھیجا تھا ۔ تفتیش کاروں کے مطابق فارنزک رپورٹ آنے میں ایک سے دو ہفتے یا اس سے زائد عرصہ لگ سکتا ہے۔