کراچی کنگز کا لاہور قلندرز کو جیت کیلئے 187رنز کا ہدف

پاکستان سپر لیگ (پی ایس ایل )6 کے 11ویں میچ پہلے کھیلتے ہوئے کراچی کنگز نے 9 وکٹوں کے نقصان پر 186 رنز بنائے اور لاہور قلندرز کو جیت کے لیے 187 رنز کا ہدف دے دیا۔

کراچی کنگز کی جانب سے  شرجیل خان  64 رنز بناکر ٹاپ سکورر رہے ،  محمد نبی 57، ڈینئل کرسچن 27 رنز بناسکے ۔  بابر اعظم نے 5، جو کلارک نے 4 رنز بنائے ۔وقاص مقصود 12 رنز بناکر آؤٹ ہوئے جبکہ عماد وسیم،کولن انگرام اور محمد عامر کوئی رن نہ بناسکے۔

لاہور قلندرز کی طرف سے شاہین شاہ آفریدی نے 3 وکٹیں حاصل کیں جبکہ   احمد دانیال، ڈیوڈ ویزے، حارث رؤف اور سمیت پٹیل نے ایک ایک شکار کیا۔

واضح رہے کہ لاہور قلندرز نے ٹاس جیت کر پہلے فیلڈنگ کا فیصلہ کیا تھا۔