وزیر اعظم کا سینیٹ انتخابات کے حوالے سے لائحہ عمل طے

تفصیلات کے مطابق وزیر اعظم پاکستان عمران خان نے  ارکان قومی اسمبلی سے ملاقاتوں کا فیصلہ کرلیا ہے،وزیر اعظم عمران خان پاکستان تحریک انصاف  ( پی ٹی آئی)  اور  اتحادی ارکان اسمبلی سے ملاقات کریں گے۔

وزیر اعظم عمران خان  کا آئندہ دو روز تک پارلیمنٹ ہاؤس میں ارکان اسمبلی سے ملاقاتوں کا امکان ہے،وزیر اعظم ارکان قومی اسمبلی سے سینیٹ انتخابات سے قبل ملاقاتیں قومی اسمبلی چیمبر  میں کریں گے۔وزیر اعظم عمران خان ارکان اسمبلی کے مسائل سن کر خدشات دور کریں گے ۔ سینیٹ انتخابات کے باعث ہفتہ وار کابینہ اجلاس بھی موخر ہونے کا امکان ہے۔