ترکی کے مختلف شہروں میں‌ شدید زلزلہ

غیر ملکی خبر رساں ادارے کے مطابق   ترکی کے دارالحکومت سمیت مختلف شہروں میں زلزلے کے شدید جھٹکے محسوس کیے گئے،  شہری  خوف کے عالم میں کھلے مقامات کی طرف نکل آئے۔مقامی وقت کے مطابق دوپہر تین بج کر چالیس منٹ پر شہریوں نے  زلزلے کو محسوس کیا۔

ترکی ڈیزاسٹر اینڈ ایمرجنسی مینجمنٹ اتھارٹی (اے ایف اے ڈی) کا کہنا ہے کہ  ریکٹر اسکیل پر زلزلے کی شدت 5.3 ریکارڈ کی گئی، جس کا مرکز مغربی علاقہ اور گہرائی 10 کلومیٹر تھی۔

اب تک زلزلے کے نتیجے میں کسی جانی نقصان کی اطلاع سامنے نہیں آئی البتہ مالی نقصان کا خدشہ ظاہر کیا ہے۔