شاہد آفریدی نے بڑی خواہش کا اظہار کردیا

تفصیلات کے مطابق پاکستان کے اسٹار آل راؤنڈر شاہد آفریدی کا پی ایس ایل سیزن 7 میں کوئٹہ گلیڈی ایٹرز کا حصہ بننے کا قوی امکان ہے، اس حوالے  سے ٹیم کوئٹہ گلیڈی ایٹرز کے اونر ندیم عمر کی جانب سے بھی تصدیق کی گئی ہے۔

یاد رہے کہ اس سے  قبل رواں برس جون میں شاہد آفریدی کا بھی ایک بیان سامنے آیا تھا جس میں ان کا کہنا تھا کہ وہ پی ایس ایل کے اگلے سیزن میں کوئٹہ گلیڈی ایٹرز کی نمائندگی کرنا چاہیں گے۔

شاہد آفریدی نے کہا تھا کہ اگر ملتان سلطانز انھیں ریلیز کر دے تو وہ اپنے پی ایس ایل کے آخری سیزن میں کوئٹہ گلیڈی ایٹرز کی نمائندگی کرنا چاہیں گے۔

شاہد آفریدی کے اس بیان کی تصدیق کوئٹہ گلیڈی ایٹرز کے میڈیا مینیجر اعظم خان کی جانب سے بھی کی گئی تھی۔