آئی سی سی نے ٹی ٹوئنٹی کی نئی رینکنگ جاری کردی

تفصیلات کے مطابق انٹرنیشنل کرکٹ کونسل نے  ٹی ٹوئنٹی انٹرنیشنل کی تازہ ترین درجہ بندی جاری کردی ہے۔

پاکستان کرکٹ ٹیم کے کپتان بابر اعظم ٹی ٹوئنٹی کرکٹ میں بلے بازوں کی فہرست میں پہلی پوزیشن پرہیں۔

دوسرے نمبر پر انگلینڈ کے ڈیوڈ ملان اور تیسرے پر جنوبی افریقا کے ایڈن مرکرم ہیں جبکہ نیوزی لینڈ کے ڈیوون کونوے 3 درجہ ترقی پاکر چوتھے اور پاکستان کے وکٹ کیپر بیٹر محمد رضوان ایک درجہ ترقی پاکر پانچویں نمبر پر آگئے ہیں۔

اس کے علاوہ بھارتی کھلاڑی کے ایل راہول ایک درجہ تنزلی کے بعد چھٹے، آسٹریلوی کپتان 3 سیڑھیاں نیچے اترتے ہوئے 7 ویں نمبر پر آگئے ہیں۔

ویرات کوہلی آٹھویں، انگلینڈ کے جوس بٹلر نویں اور جنوبی افریقا کے راسی وین ڈیر ڈسن 10 ویں نمبر پر ہیں۔