تحریک لبیک پاکستان کے سربراہ سعد رضوی کو رہا  کردیا گیا

ذرائع کا کہنا ہے کہ  پاکستان تحریک لبیک پاکستان (ٹی ایل پی ) کے سربراہ سعد رضوی کو رہا کردیا گیا ہے۔ ٹی ایل پلی کے سربراہ علامہ حافظ سعد حسین رضوی کچھ دیر میں مرکز جامع مسجد رحمتہ اللعالمین پہنچ جائیں گے۔تحریک لبیک کے سربراہ  حافظ سعد رضوی کئی ماہ  سے  قید تھے۔

گزشتہ ماہ حکومت اور کالعدم ٹی ایل پی میں معاہدہ طے پا گیا تھا،رواں ماہ وفاقی حکومت نے کالعدم ٹی ایل پی سے پابندی ہٹانے کی منظوری دے دی تھی، وزارت داخلہ کالعدم تحریک لبیک سے پابندی ہٹانےکا نوٹیفیکیشن  جاری کردیا تھا۔جس  کے بعد نیکٹا نے ٹی ایل پی کا نام کالعدم تنظیموں کی فہرست سے نکال دیا تھا۔ تحریک لبیک پاکستان کا نام 15اپریل2020 کو نیکٹا کی کالعدم فہرستوں کی لسٹ میں ڈالا گیا تھا۔

اس سے قبل  پنجاب حکومت نے وفاقی کا بینہ کو کالعدم تنظیم سے پابندی ہٹانے کی سمری بھیجی تھی  جس میں کہا گیا تھا کہ تنظیم نے آئندہ پُرتشدد نہ ہونے کی یقین دہانی کرائی ہے۔

خیال رہے کہ  ٹی ایل پی کے سربراہ سعد رضوی کو رواں برس اپریل میں لاہور سے گرفتار کیا گیا تھا۔