منڈی بہاؤالدین: دو گروپوں میں فائرنگ دو بچوں سمیت 4 افراد زخمی

پولیس کے مطابق منڈی بہاؤالدین پرانا گجرات روڈ پھالیہ میں دو گروپوں میں فائرنگ سے  دو بچوں سمیت  4 افراد زخمی ہوگئے ہیں ، فائرنگ سے اسکول بس کو شدید نقصان پہنچا۔

پولیس کا کہنا ہے کہ فائرنگ سے اسکول سے نکلتے دو بچے شدید زخمی  ہوگئے،  فائرنگ بچوں کے چھٹی کے ٹائم کی گئی۔ فائرنگ سے شہر میں خوف و ہراس پھیل گیا ۔

عینی شاہد کے مطابق    بس ڈرائیور نے بس دوڑا کر بچوں کی جانیں بچائیں،  فائرنگ سے سڑک سے گزرنے والی گاڑیوں کے  سے شیشے ٹوٹ گئے۔   پولیس کی بھاری نفری موقع پر موجود کوئی گرفتاری عمل میں نہ آسکی ۔

پولیس کے مطابق  ناکہ بندی کردی گئی ہے جلد ملزمان کو گرفتار کرلیا جائے گا ۔