اپوزیشن لیڈر شہباز شریف سے بلوچستان کے سیاسی رہنماوں کے وفد کی ملاقات

مسلم لیگ (ن) کے صدر اور قائد حزب اختلاف شہباز شریف سے بلوچستان کے سیاسی رہنماؤں کے وفد  نے ملاقات کی، نوابزادہ حاجی لشکری رئیسانی اور سابق وفاقی وزیر میر ہمایوں کرد نے شہباز شریف سے ملاقات کی۔ پاکستان مسلم لیگ (ن) کے سینئر نائب صدر ملک ظاہر کاکڑ، بلوچستان سے پارٹی کے سیکرٹری اطلاعات نصیر خان بھی ملاقات کرنے والے وفد میں شامل تھے۔

اپوزیشن لیڈر شہباز شریف سے وفد نے ملک کی مجموعی صورتحال پر تفصیلی تبادلہ خیال کیا،  شہباز شریف نے بلوچستان سے رہنماؤں کو آمد پر پرتپاک خوش آمدید کہا۔

اس موقع پر شہباز شریف کاکہنا تھا کہ  ملک میں مہنگائی کا نیا طوفان آنے والا ہے، عوام کا زندہ رہنا ناممکن بنا دیا گیا ہے، بلوچستان میں امن و ترقی پاکستان کے امن و ترقی کے لئے ناگزیر ہے۔