’ کل سے تمام  پیٹرول پمپ بند ہونگے‘

تفصیلات کے مطابق پٹرولیم ڈیلرز ایسوسی نے کل صبح 6 بجے سے ملک بھر میں پٹرول سپلائی بند کرنے کا اعلان کردیا ہے۔

پٹرولیم ڈیلرز ایسوسی ایشن کے عہدیداران نے پریس کانفرنس کی جس میں انہوں نے کہا کہ  مطالبات کی منظوری تک ہڑتال جاری رہے گی،  پٹرول پر کمیشن کی موجودہ شرح پر کام کرنا ممکن نہیں رہا، حکومت پٹرول پر کمیشن کی شرح 6 فیصد کرے۔ وزیر توانائی حماد اظہر نے مطالبات تسلیم کئے لیکن عملی اقدام سامنے نہیں آیا،  وعدے کے مطابق کمیشن کی شرح بڑھانے کی سمری تیار نہیں کی گئی۔

سیکرٹری انفارمیشن خواجہ عاطف نے کہا  پہلے ہم نے پانچ کو ہڑتال کا اعلان کیا حماد اظہر نے معا ملات حل کرنے کا کہا ، لیکن اب اس مارجن میں کاروبار نہیں چلا سکتے ،  ہمیں تین روپیہ اکانوے پیسے مارجن میں سے بھی ٹیکس دینا پڑتا ہے،  اب ہمارا مارجن تین روپیہ ایک پیسہ ہے  ۔انہوں نے کہا کہ  اگر حکومت وعدے کے مطابق ہمارا چھ فیصد مارجن بڑھائے توہمارا مارجن سات روپیہ بنے گا ۔ ہم کروڑوں روپے لگا کر پانچ چھ فیصد کمیشن بھی نہیں لیتے ہیں ۔ان کا کہنا تھا کہ اس وقت لاہور میں تین ملین لیٹر پیٹرول استعمال ہوتا ہے۔

جہانزیب ملک نے کہا کہ  کچھ دن پہلے آئل ٹینکرز ایسوسی ایشن نے اعلان کیا کہ ہڑتال نہیں کریں ، لاہور میں ساڈھے تین سو پٹرول پمپ ہے ،  ہڑتال کے نتیجے میں اسی فیصد پمپ بند ہو نگے،  ہمیں سترہ تاریخ تک انتظار کا کہا ہم نے بیس تک انتظار کیا ،  کل سے ہم ہڑتال پر ہونگے تمام پٹرول پمپ بند ہونگے۔