وزیراعلیٰ پنجاب کی  اسکول  اسمبلی میں درود شریف پڑھانے کی ہدایت

تفصیلات کے مطابق وزیراعلیٰ پنجاب کی ہدایات کےبعد چیف سیکرٹری کو اسکولوں میں اسمبلی میں درود شریف پڑھنےسےمتعلق مراسلہ جاری کیا گیا ہے۔

مراسلے کے مطابق اسکولوں میں اسمبلی میں قومی ترانے سے قبل تلاوت قرآن پاک کے بعد درود شریف پڑھا جائے گا ۔

خیال رہے کہ 22 نومبر کو  پنجاب اسمبلی میں مسلم لیگ ق کی رکن خدیجہ عمر کی جانب سے  تعلیمی اداروں میں اسمبلی کے دوران قومی ترانے سے پہلے قرآن پاک کی تلاوت اور درود شریف پڑھائے جانے کے حوالے سے  پیش کردہ قرارداد منظور کی گئی تھی ۔