پاکستان میں کورونا کیسز اور اموات کی تعداد میں مسلسل کمی 

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کے دوران  مزید7 افراد  انتقال  کرگئے جبکہ232 نئے کیسز رپورٹ ہوئے ۔

ملک میں کورونا سے  اموات کی تعداد 28ہزار 784 ہوگئی ہے اور مجموعی کیسز 12 لاکھ 87ہزار 393 تک جاپہنچے ہیں۔   این سی اوسی  کے مطابق ملک بھر میں  چوبیس گھنٹے کے دوران  41 ہزار 062 افراد  کے ٹیسٹ کئےگئے ہیں ۔ 

Statistics 7 Dec 21:
Total Tests in Last 24 Hours: 41,062
Positive Cases: 232
Positivity %: 0.56%
Deaths : 7
Patients on Critical Care: 813

— NCOC (@OfficialNcoc) December 7, 2021

ملک میں گزشتہ 24 گھنٹوں کے دوران مزید 319افراد کورونا وائرس سے صحتیاب ہوئے ہیں ۔اب تک  95.9 فیصد مریض کوویڈ سے صحت یاب ہوئے  ، اب تک   مجموعی طور پر 12 لاکھ 46 ہزار 783مریض اب تک اس بیماری سے شفایاب ہو چکے ہیں۔

واضح رہے کہ  پاکستان  کورونا مریضوں کے حوالے سے مرتب کی گئی فہرست میں 33 ویں نمبر پر ہے۔ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔