عشق کی ناکامی پر لڑکی اور لڑکے نے زہریلی گولیاں کھالیں

تفصیلات کے مطابق  وزیرآباد کے علاقے علی پور چٹھہ میں عشق کی ناکامی پر لڑکی اور لڑکے نے زہریلی گولیاں کھا لیں ، عشق میں ناکامی پر علی پورچٹھہ کی رہائشی خدیجہ اور اویس شاہ  دونوں جاں بحق ہو گئے۔

پولیس کاکہنا ہے کہ   علی پور چٹھہ کی رہائشی خدیجہ کے گھر والوں نے اسکی زبر دستی شادی کر دی تھی، خدیجہ نے  اویس شاہ کو رات کو اپنے گھر بلایا اور گھر سے بھاگ گئے، دونوں نے علی پور چٹھہ کے قریب ویرانے میں زہریلی گولیاں کھا کر زندگی کا خاتمہ کر لیا۔

پولیس کے مطابق  خدیجہ اور اویس شاہ دونوں شادی کرنا چاہتے تھے ،  پولیس تھانہ علی پور چٹھہ مصروف تفتیش ہے۔