ورلڈ وائلڈ لائف ڈے پر جنگلی حیات سندھ کی بڑی کامیابی

جی این این کے مطابق محکمہ  جنگلی حیات سندھ نے      جامشورو ٹول پلازہ پر چھ ہزار آٹھ سو چڑیا،بلبل قبضے میں لے لی.   تحویل میں لی گئی جنگلی حیات مسافر بس کے ذریعے کراچی منتقل کی جارہی تھی.محکمہ   جنگلی حیات سندھ کے مطابق  قبضےمیں لی گئی چڑیا اور بلبل  دیہی سندھ کے علاقے مٹیاری سے اسمگل کی جارہی تھی۔ کارروائی کے دوران ایک فرد کی گرفتاری عمل میں آئی ہے ۔تمام پرندوں کو کراچی کے مضافاتی علاقے میں آزادکردیا گیا۔

کنزرویٹر سندھ وائلڈ لائف جاوید مہر کے مطابق    دیہی سندھ کےکچھ اضلاع میں کمیونٹی کی بنیاد پر افراد اس کام میں ملوث ہیں اور ان افراد کے پرندہ مارکیٹوں میں دکانداروں سے رابطے ہیں۔ کنزرویٹر سندھ وائلڈ لائف جاوید مہر کا کہنا ہے کہ  اس کاروبار سے وابستہ افراد کے خلاف بڑے پیمانے پر کریک ڈاون شروع کردیا ہے۔ آج کی کارروائی کے ساتھ رواں ماہ پکڑی جانے والی چڑیوں کی تعداد 19 ہزارکے لگ بھگ ہوچکی  ہے۔    

واضح رہے کہ آج پاکستان سمیت دنیابھر میں جنگلی حیات کے تحفظ کا عالمی دن منایا جارہا ہے ، اس سال اس دن کا عنوان ’ جنگلات اور ذریعہ معاش: لوگوں اور خطے   کو برقرار رکھنا تجویز کیا گیا ہے ۔