کابل میں2 زوردار دھماکے، 2 افراد ہلاک ، 4 زخمی

غیر ملکی خبر رساں ادارے کے مطابق  افغانستان کا دارالحکومت کابل دو زوردار دھماکوں سے گونج اٹھا۔اطلاعات کے مطابق پہلا دھماکہ کابل کے مغربی حصے  دشت برچی میں ایک کار کو نشانہ بنایا گیا۔ دوسرا دھماکہ دہبوری کے علاقے میں ہوا۔

عینی شاہدین کے مطابق دھماکا دوپہر 3 بج کر 25 منٹ پر ہوا۔ مقامی وقت کے مطابق اور پولیس ڈسٹرکٹ 13 کے مضافاتی علاقے دشت برچی میں ایک منی بس کو نشانہ بنایا گیا۔

وزارت داخلہ کے ترجمان سعید خوستی نے بتایا کہ پہلا دھماکہ مغربی کابل شہر کے دشت برچی میں ہوا اور اس میں ایک ٹرانسپورٹ گاڑی کو نشانہ بنایا گیا۔ دھماکے میں دو شہری جاں بحق اور تین زخمی ہوئے۔

خوستی نے کہا کہ مغربی کابل شہر میں ایک اور دھماکہ ہوا جس کی وجہ سے ایک خاتون زخمی ہو گئی۔