ملک کے مختلف شہروں میں زلزلے کے جھٹکے 

تفصیلات کے مطابق  حیدرآباد اور گردونواح میں زلزلے کے جھٹکے محسوس کیے گئے ہیں ،  زلزلے کی شدت 3 اعشاریہ 3 محسوس کی گئی۔  محکمہ موسمیات کے مطابق   زلزلے کا مرکز حیدرآباد سے 70 کلومیٹر دور تھا  جبکہ  زلزلے کی گہرائی 30 کلومیٹر تھی۔

دوسری جانب خیبرپختونخوا کےمختلف اضلاع میں زلزلےکی شدت3.9ریکارڈ کی گئی،  زلزلےکامرکزافغانستان تاجکستان کاسرحدی علاقہ ہے،  زلزلےکی گہرائی140کلومیٹرریکارڈ کی گئی ہے۔

صوابی شہر ، ایبٹ آباد ، پشاور اور سوات میں بھی زلزلے کے جھٹکے محسوس کیے گئے ہیں۔جس سے لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔تاہم ابھی تک کسی جانی اور مالی نقصان کی اطلاع نہیں ہے۔