امریکا کی 6 ریاستوں میں طوفانی بگولوں نے تباہی مچا دی، 84 افرادہلاک

غیر ملکی خبر رساں ادارے کے مطابق امریکا کی 6 ریاستوں میں آنے والے 30 سے زائد طوفانی بگولوں نے تباہی مچا دی ہے، جس کی زد میں آکر ہلاک ہونے والے افراد کی تعداد 84 ہو گئی ہے۔

رپورٹس کے مطابق بگولوں سے  6 ریاستوں میں اتنی تباہی ہوئی کہ  گھر، اسکول، شاپنگ سینٹرز، فیکٹریاں، اسپتال کچھ نہ بچا۔ بگولوں کی شدت اتنی تھی کہ جو چیز بھی ان کے سامنے آئی وہ اسے اڑا لےگئے۔

طوفان کے باعث درخت جڑوں سے اُکھڑ گئے، مختلف جگہوں پر بجلی کے گھمبے گر گئی جس سے ہزاروں افراد کو بجلی کی فراہمی معطل ہوگئی اور متعدد گاڑیاں عمارتوں کے ملبے تلے دب گئیں۔

امریکی ریاست کینٹکی کے شہر مے فیلڈ میں سب سے زیادہ تباہی ہوئی جہاں 70 افراد ہلاک ہوئے اور صرف ایک فیکٹری کے ملبے سے 40افراد کو نکالا گیا۔ امریکی ریاست کینٹکی کے گورنر اینڈی بیس ہیر نے  100سے زیادہ ہلاکتوں کا خدشہ ظاہر کیا ہے جبکہ ریاست میں  کرفیو نافذ کر دیا گیا ہے۔

امریکی صدر جوبائیڈن نے کہا ہے کہ امریکی تاریخ کے بدترین طوفان سے ہونے والی تباہی ناقابل یقین ہے۔