اٹلی میں گیس دھماکے کے بعد عمارت گر گئی، ایک جاں بحق متعدد لاپتہ

سرکاری نیوز ایجنسی اے این ایس اے اور اطالوی فائر سروس ویگیلی ڈیل فووکو کے مطابق  اتوار کی صبح سسلین قصبے راوانوسا میں ایک عمارت گرنے سے کم از کم ایک شخص ہلاک اور نو دیگر لاپتہ ہیں۔

فائر سروس ویگیلی ڈیل فوکو نے اپنے آفیشل ٹویٹر اکاؤنٹ پر کہا کہ ایمرجنسی ٹیموں نے ایک شخص کی لاش نکالی لی ہے جبکہ  ملبے میں زندہ بچ جانے والوں کی تلاش جاری ہے۔

فائر سروس کے مطابق، اب تک دو خواتین کو بچا لیا گیا ہے، جن میں سے ایک کو ملبے سے زندہ نکالا گیا تھا۔

اے این ایس اے  کے مطابق، اطالوی حکام نے کہا کہ عمارت ایک بڑے گیس کے اخراج کی وجہ سے ہونے والے دھماکے کے بعد منہدم ہوئی، جس سے تین مکانات تباہ اور ایک کو نقصان پہنچا۔

فائر بریگیڈ کے کمانڈر نے اے این ایس اے سے کہا کہ  "گیس یا تو زیر زمین یا بند ماحول میں جمع ہو گئی تھی۔ لفٹ کے چالو ہونے سے بھی دھماکہ ہو سکتا ہے،""اگلے چند دنوں میں ہم مزید تفصیلی تحقیقات کریں گے،" انہوں نے کہا، "یہ یقینی ہے کہ اس طرح کا دھماکہ ایک غیر معمولی واقعہ ہے۔"

 اے این ایس اے نے رپورٹ کیا ہے کہ  پائپ پھٹنے کی ممکنہ وجوہات میں خراب موسم، مٹی کا بدلنا یا لفٹ ہو سکتی ہے۔