اسرائیلی وزیر دفاع نے فوج کو ایران پر حملے کی تیاری کا حکم دیدیا

اسرائیلی میڈیا کے مطابق اسرائیلی وزیر دفاع بنی گینٹز امریکا کے دورے پر ہیں اور ایران پر دباوبڑھانے کیلئے اقدامات کر رہے ہیں۔اسرائیلی وزیر دفاع نے کہا ہے کہ  فوج کو ایران پر ممکنہ حملے کی تیاری کا حکم دے دیا ہے اس حوالے سے امریکی وزیر دفاع لائیڈ آسٹن کو بھی ایران پر حملے کی تیاری سے آگاہ کر دیا ہے۔

ان کا مزید کہنا تھا کہ  دنیا کی ایران کے ساتھ جوہری معاملے پر بات چیت کا کوئی نتیجہ نہیں نکلا اور بین الاقوامی برادری جان گئی ہے کہ ایران ان کے ساتھ گیم کھیل رہا ہے۔  ایران پر فوجی دباؤ بڑھانے کی ضرورت ہے جس کے لیے اسرائیلی فوج کو اسٹرائیک کیلئے تیار رہنے کا حکم دے دیا ہے۔