پاکستان میں پہلے اومی کرون  کیس کی تصدیق

اومی کرون وائرس کی تصدیق جینوم سیکونسنگ کے ذریعے کی گئی۔

 اومی کرون میں مبتلا 65 سالہ خاتون صحت یاب ہوچکی ہیں، متاثرہ خاتون سے رابطے میں آنے والے51 افراد کے ٹیسٹ کیے جا رہے ہیں۔

 کونسی ویکسین کے بوسٹر شاٹس اومی کرون کیخلاف مؤثر ہیں؟
 
ترجمان اسپتال کا کہنا ہے کہ متعلقہ مریضہ کو اسپتال سے گھر منتقل کردیا گیا تھا، زیرعلاج کورونا کے کسی اور مریض میں اومی کرون کی تصدیق نہیں ہوئی۔

نجی اسپتال کے ترجمان کا یہ بھی بتانا ہے کہ اومی کرون میں مبتلا مریضہ نے کورونا کی ویکسین نہیں لگوائی تھی۔

یاد رہے کراچی کے نجی اسپتال میں داخل ہونیوالی خاتون حال ہی میں بیرون ملک سے واپس آئی تھی اور کورونا پازیٹو تھی ۔ 

واضح رہے کہ کورونا وائرس کا پہلا کیس بھی کراچی میں رپورٹ ہوا تھا ۔
خیال رہے کہ اومیکرون ویرینٹ گزشتہ ماہ سب سے پہلے جنوبی افریقہ میں رپورٹ ہوا تھا ۔  

عالمی ادارہ صحت (ڈبلیو ایچ او) نے اومیکرون کی درجہ بندی 'انتہائی تیزی سے منتقل' ہونے والے ویرینٹ کے طور پر کی ہے اور اسے ڈیلٹا ویرینٹ کی کیٹیگری میں ہی شامل کیا گیا ہے ۔